ஆனந்தமாய் இன்ப கானான்

          ஆனந்தமாய் இன்ப கானான் ஏகிடுவேன் 
தூய பிதாவின் முகம் தரிசிப்பேன் (2) 
நாளுக்கு நாள் அற்புதமாய் என்னைத் தாங்கிடும் 
நாதன் இயேசு என்னோடிருப்பார் (2)

(ஆனந்தமாய் இன்ப...)

வாலிப நாளில் இயேசுவைக் கண்டேன் 
வாஞ்சையுடன் என்னைத் தேடிவந்தார் (2) 
எதற்குமே உதவா என்னையும் கண்டெடுத்தார் 
இயேசுவின் அன்பை நான் என் சொல்லுவேன் (2)

(ஆனந்தமாய் இன்ப...)

உம்மைப் பின் சென்று ஊழியம் செய்து 
உம் பாதம் சேர்ந்திட வாஞ்சிக்கிறேன் (2) 
தாரும் தேவா ஏழைக்கும் மாறாத உம் கிருபை 
கண் பாரும் என்றும் நான் உம் அடிமை (2)

(ஆனந்தமாய் இன்ப...)

கர்த்தரின் சித்தம் செய்திட நித்தம் 
தத்தம் செய்தே என்னை அற்பணித்தேன் (2) 
இயேசு அல்லால் ஆசை இப் பூவில் வேறே இல்லை 
என்றும் எனக்கவர் ஆதரவே (2)

(ஆனந்தமாய் இன்ப...)