122
கர்த்தாவே உமது கூடாரத்தில்
கர்த்தாவே உமது கூடாரத்தில்
தங்கி வாழ்பவன் யார்
கூடியிருப்பவன் யார்
(கர்த்தாவே உமது...)
உத்தமனாய் தினம் நடந்து
நீதியிலே நிலைநிற்பவன் (2)
மனதாற சத்தியத்தையே
தினந்தோறும் பேசுபவனே (2)
(கர்த்தாவே உமது...)
நாவினால் புறங்கூறாமல்
தோழனுக்குத் தீங்கு செய்யாமல் (2)
நிந்தையான பேச்சுக்களை
பேசாமல் இருப்பவனே (2)
(கர்த்தாவே உமது...)
கர்த்தருக்குப் பயந்தவரை
காலமெல்லாம் கனம் செய்பவன் (2)
ஆணையிட்டு நஸ்டம் வந்தாலும்
தவறாமல் இருப்பவனே (2)
(கர்த்தாவே உமது...)
கைகள் தூய்மை உள்ளவன்
இதய நேர்மை உள்ளவன் (2)
இரட்சிப்பின் தேவனையே
எந்நாளும் தேடுபவனே (2)
(கர்த்தாவே உமது...)