ஆறுதலின் தெய்வமே

          ஆறுதலின் தெய்வமே உம்முடைய திருச்சமூகம்
எவ்வளவு இன்பமானது (2)

ஆறுதலின் தெய்வமே...

உம்முடைய சந்நிதியில் தங்கியிருப்போர்
உண்மையிலே பாக்கியவான்கள் (2)
தூய மனத்துடன் துதிப்பார்கள் (1)
துதித்துக்கொண்டிருப்பார்கள் - ஆமென் (1)

(ஆறுதலின் தெய்வமே...)

உம்மிலே பெலன்கொள்ளும் மனிதர்களெல்லாம்
உண்மையிலே பாக்கியவான்கள் (2)
ஓடினாலும் களைப்படையார் (1)
நடந்தாலும் சோர்வடையார் - ஆமென் (1)

(ஆறுதலின் தெய்வமே...)

கண்ணீரின் பாதையில் நடக்கும் போதெல்லாம்
களிப்பான நீருற்றாய் மாற்றிக்கொள்வார்கள் (2)
வல்லமை மேலே வல்லமை கொண்டு (1)
சீயோனைக் காண்பார்கள் - ஆமென் (1)

(ஆறுதலின் தெய்வமே...)

வேறிடத்தில் ஆயிரம் நாள் வாழ்வதைவிட
உம்மிடத்தில் ஒருநாள் மேலானது (2)
ஒவ்வொருநாளும் உமது இல்லத்தின் (1)
வாசலில் காத்திருப்பேன் ஆமென் (1)

(ஆறுதலின் தெய்வமே...)