எட்டுத் திசைகளிலும் இருந்தே

          எட்டுத் திசைகளிலும் இருந்தே 
கூட்டியே சேர்க்கப்பட்டோம் (2)
இயேசுவின் சத்தியத்தில் இனிமேல்
என்றும் நிலைத்திருப்போம் (2) 
முன்னர் குறிக்கப்பட்டு கர்த்தரால்
முத்திரை போடப்பட்டோம் (2)
இத்தரை மீதினிலே இனிநாம் 
இயேசுவுக்காய் வாழுவோம் (2)

சத்தியத்தை அறிந்தே நித்திய 
தேவனை ஸ்தோத்தரிப்போம் (2)
பக்தியுடன் தொழுதே இயேசுவின் 
நாமத்தைப் பாடிடுவோம் (2) 
கர்த்தரின் பிள்ளைகளாய் இனி நம்மை 
ஒப்புக் கொடுத்திடுவோம் (2) 
எத்தனை துன்பத்தையும் அவரால் 
முற்றும் ஜெயம் கொள்ளுவோம் (2)

(எட்டுத் திசைகளிலும்...)

வார்த்தையில் தேவன் வந்தார் 
எம்மையே வாழவைக்கப் பிறந்தார் (2)
பாவத்தில் மீட்டெடுத்தே எமக்காய் 
பாடுகள் அனுபவித்தார் (2)
அன்பு சொரிந்தெமக்காய் அவர் 
அல்லல் பல அடைந்தார் (2)
வள்ளலின் பேரன்பிலே இனிமேல் 
என்றும் நிலைத்திருப்போம் - நம் (2)

(எட்டுத் திசைகளிலும்...)