163
என்னிடம் வாவென்று இயேசு
என்னிடம் வாவென்று - இயேசு
இரு கையை நீட்டுகிறார்
அழைக்கின்ற தேவனையே - என்றும்
ஆண்டவராய் வணங்கு
(என்னிடம் வாவென்று...)
வருத்தப்பட்டு தினமும் பாரத்தை
நீயேன் சுமக்கின்றாய் (2)
என்னிடம் வாருங்கள்
இளைப்பாறுதல் தருவேன் என்றான் (2)
(என்னிடம் வாவென்று...)
வார்த்தையில் மாமிசமாய் - இயேசு
மானிடனாய் உதித்தார் (2)
ஆவியில் அசைவாடி எங்கள்
உணர்விலும் வாழுகின்றார் (2)
(என்னிடம் வாவென்று...)
வேதத்தின் வார்த்தையினால் - தேவன்
ஜீவனைக் கொடுக்கின்றார் (2)
அன்பால் எம்மை மீட்டு
நல்ல வழியினைக் காட்டுகின்றார் (2)
(என்னிடம் வாவென்று...)
ஆண்டவர் இயேசுவிடம் - உன்னை
அடைக்கலம் கொடுத்துவிட்டால் (2)
உன்னையும் மீட்டுக் கொள்வார்
நித்திய வாழ்வையும் தந்திடுவார் (2)
(என்னிடம் வாவென்று...)