குயவனே குயவனே படைப்பின்

          குயவனே குயவனே படைப்பின் காரணனே
களிமண்ணான என்னையுமே கண்ணோக்கிப் பார்த்திடுமே

(குயவனே...)

வெறுமையான பாத்திரம் நான்
வெறுத்துத் தள்ளாமலே
நிரம்பி வழியும் பாத்திரமாய்
விளங்கச் செய்திடுமே
வேதத்தில் காணும் பாத்திரம் எல்லாம்
இயேசுவைப் போற்றிடுமே
என்னையும் அவ்வித பாத்திரமாய்
வனைந்து கொள்ளுமே

(குயவனே...)

மண்ணாசையில் நான் மயங்கியே
மெய்வழி விட்டுச் சென்றேன்
கண்போன போக்கைப் பின்பற்றியே
கண்டேன் இல்லை இன்பமே
காணாமல் போன பாத்திரம் என்னைத்
தேடி வந்த தெய்வமே
வாழ்நாளெல்லாம் உம் பாதை செல்ல
பாதையில் நடத்திடுமே

(குயவனே...)

விலைபோகாத பாத்திரம் நான்
விரும்புவார் இல்லையே
விலைமதியா உம் கிருபையால்
உகந்ததாக்கிடுமே
தடைகள் யாவும் நீக்கி என்னைத்
தம்மைப்போல் மாற்றிடுமே
உடைத்து என்னை உந்தனுக்கே
உடமையாக்கிடுமே

(குயவனே...)